DILI, STLTIMORLESTE.com – Grupu Incanto Internasional Institute ho kannet and Co Group husi Singapura relata kooperasaun servisu neebe halao durante nee ba Prezidente Republika (PR) Jose Ramos Horta iha Palasiu Prezidensial.
Bainhira remata hasoru malu, Fundador Grupu Incanto Internasional Institute Manuel Vong ba jornalista sira iha Palasiu Prezidensial Nicolau Lobato, Bairo Pite, Segunda (02/02/2026) hatete, ohin dader Grupu Incanto Internasional Institute ho Kanneth Founder and Proncipal of kannet and Co Group husi Singapura mai hamutuk para aprezenta hamutuk kooperasaun neebe iha hodi halo komitmentu atu dezenvolve kapital humanu iha Timor Leste.
“Hasoru sua exelensia Prezidente Republika incanto Grupu Kanneth Founder and Proncipal of kannet and Co Groupiha ona kooperasaun ida liu-liu foku liu iha kapasity biling Timoroan ba sira neebe mak remata ona sira nia estudu lisensiatura iha area hospitalidade turizmu nia buka fo ita nia kontribuisaun iha parte setor privadu, kooperasaun bisnis to bisnis hodi bele koopera mos ho universidade hodi bele kapasita ita nia Timoroan sira neebe remata ona sira nia kursu iha nivel lisensiatura hodi bele hetan mos servisu halo intership iha sinpagura,” dehan Manuel Vong.
Nia hatete, kannet and Co Group husi Singapura hanesan mos kompanhia ida neebe halao nia knaar iha setor industria no turizmu iha Singapura liu-liu fo atensaun ba iha rekrutamentu tranbalhador profesionais iha area turizmu no hospitalidade.
Fundador Incanto dehan, kooperasaun ida nee hanesan mos parte ida husi setor privadu husi Incanto nia nomos hola parte husi universidade sira neebe mak iha Timor Leste hanesan DIT neebe mak hola parte iha formasaun ba joven sira iha nivel universidade, no Incanto ho Kanneth mos sei ba vizita Dili Institutu Teknologi (DIT) hodi haree posibilidade liu-liu oinsa atu bele kanaliza Timoroan sira ba halo sira nia servisu profisional ba industria neebe disponivel.
Aleinde nee seluk mos Timor Leste prepara aan sai uma nain iha 2029, entaun Incanto hola inisiativa ida nee atu prepara Timoroan sira hodi bele sai uma nain iha 2029 hodi apoiu ba Governu no estadu ho setor privado sira neebe mak ofere iha setor refere.
“Ami kompremitidu atu servisu hamutuk entre parte rua Timor Leste ho Singapura nunee exelensia Prezidente Republika bele haree mos posiblidade katak Icanto Group ho Kanneth Group halo hela serbisu neebe mak alina ho politika nasional ita nia estadu nia iha asean,” katak nia.
Iha biban nee Prezidente Republika Jose Ramos Horta apoiu inisiativa neebe mak Incanto ho Kanneth Group neebe halo husi koperasaun lao dadaun atu dezenvolve kapital Humanu liu liu oinsa prepara ema diak ba rai ida nee.
Prezidente Republika sei halo kontaktu ho nia omologu iha Singapura hodi nunee bele loke espasu ba Timor oan sira neebe halo serbisu iha Singapura, tanba dadaun nee Incanto ho Kanneth loke ona vaga no Timor oan nain rua servisu ona iha Singapura ho salariu neebe alternativu tebes.
Nunee mos CEO Kenneth Emma Nguyen Truc Mai hatutan, ohin kompanha Kenneth Group hamutuk ho Incanto mai hasoru malu ho Prezidente Republika Jose Ramos Horta hodi relata kooperasaun servisu neebe halo durante nee ba Xefe Estadu.
“Ohin oportunidade diak mai hasoru malu ho sua exelensia Prezidente Republika hodi relata koperasaun neebe Kenneth ho Incanto halo ba Xefe Estadu,” dehan CEO Kenneth.
Nia hatete, Grupu Incanto Internasional Institute ho kannet and Co Group husi Singapura iha relasaun neebe diak tebes oinsa kapasita joven sira serbisu ho professional.
(eme)
