DILI, STLTIMORLESTE.com – Timor Leste (TL) sai ona membru ASEAN, tanba nee hadia kualidade iha ensinu superior hodi prepara rekursu halo kompetisaun.
Liafuan nee hatoo husi Reitor Institute Ciensia Saude (ICS), Leao Borges ba jornalista STL, Kinta (04/12/2025).
Nia dehan, esforsu neebe mak halo mak fo formasaun ba dosentes sira, ho nunee bele haree ba iha kualidade ensinu ninia.
“Esforsu neebe mak ita halo mak oinsa atu halo formasaun ba ita nian dosentes sira, ho nunee ita bele haree ba iha kualidade ensinu ninia, hodi nunee ita bele kompete ho universidade neebe mak iha ASEAN ninia,” nia informa.
Entretantu Diretor Ezekutivu TLCE hatete, labele konsidera tama ASEAN nee hanesan atu festa ida, neebe hatais roupa karun ba atividade kalan ida nian, hafoin festa hahu susar atu han dala tolu loron ida. Tanba lakohi atu sai nia aan rasik.
“Iha area edukasaun deit, ita la presiza hatudu buat ruma ba ASEAN, ita konsentra deit atu halo esforsu oin oin hadia hasae kualidade edukasaun, presiza hadia infraestrutura eskola nian, nomos presiza edukador sira neebe kompetente.
Nunee mos Reitor Dili Institute Of Technology (DIT), Salustiano dos Reis Piedade dehan, kuandu tama ona ba iha ASEAN, nee tenke prontu halo kompetisaun ho universidade iha rai liur, sekuandu la halo kompetisaun, bele lakon merkadu.
Jornalista: Jacinta Sequeira
Editora: Domingas Gomes
