DILI, STLTIMORLESTE.com – Ensinu Baziku Filial (EBF) Fatumeta hahu prosesu ona uniforme nasional ba estudantes sira, maske too agora uniforme refere seidauk too iha sira nian eskola.
Liafuan nee hatoo husi Jose Manuel Pires nuudar Koordenador Ensinu Baziku Filial (EBF) Fatumeta ba jornalista STL iha nia knaar fatin Fatumeta, Kinta nee (26/06/2025).
“Kona-ba uniforme eskolar nee, tuir sirkular neebe estadu liu husi Ministeriu Edukasaun katak ita iha ona uniforme nasional, ho ida nee eskola hotu-hotu inklui mos ami nian eskola primeiru no segundu siklu EBF Fatumeta hamutuk ho inan aman ami halo enkontru ho inan aman estudantes, nee duni liu husi KIAK ami halo ona akordu, maibe inan aman mos orgulhu tanba hein kleur farda nee bainhira mak iha,” nia haktuir.
Nia dehan, liu husi edukasaun katak, eskola bele hola ona farda, prontu sira mos liu husi konkorda ida, nee duni farda nee foin cetak, neebe ninia prosesu lao hela, maibe farda nee seidauk mai too iha eskola, kada estudantes SU$ 25, nee ba farda oin rua, ida farda uniforme nasional, ida seluk farda olahraga ninia.
Nunee mos Koordenadora Pre Eskolar Moris Foun I, Domingas Beatriz da Cunha dehan, estudantes sira seidauk uza uniforme nasional, no estudantes sei uza farda anterior neebe mak antes nee sira uza ona.
“Ami nian studantes sira seidauk uza uniforme nasional, no estudantes sei uza farda anterior neebe mak antes nee sira uza ona, ami enkontru ho inan aman estudantes sira para bele sosa farda eskola,” nia informa.
(jac)
