DILI, STLTIMORLESTE.com – Jesus hanorin ema katak, hakarak hetan salvasaun presiza iha Maromak no esforsu aan, hodi lao tuir doutrina Nai nia.
Kestaun nee hatoo husi Padre Richardo Pasang, SVD liu husi nia reflesaun diaria ba loron Kuarta (30/11/2024) semana XXX do Tempo komum Ef . 6 : 1 – 9 Luc 13 : 22 – 30.
“Salvasaun neebe Nai haraik mai ita hanesan odamatan kloot ida neebe presiza esforsu atu bele tama. Ema la bele hetan salvasaun se moris relax, santai ou la iha espiritu atu esforsu. Nuudar kristaun, Maromak bolu ita atu sai hanesan Kristy katak tenke lao liu husi sidade no knua hanorin ema hotu atu tuba rai metin iha fiar atu bele hetan salvasaun,” katak Padre nee.
Padre nee hatete, hanesan Jesus hanorin katak ema bele hetan salvasaun presiza esforsu hodi desenvolve-an iha ema nia karakteristika no hahalok.
“Saun Paulo iha Primeira Leitura loron ida ohin hanorin mai ita se ita hakarak hetan salvasaun, presiza hamoris attitude no hahalok hirak nee, Oan sira, halo tuir aman inan sira nia hakarak. Hamtauk imi nia inan no aman atu o bele haksolok no o bele moris naruk iha rai, inan-aman hanesan susesor Maromak iha mundu nee,” dehan nia.
Bibi Aan Kreda Katolika dehan, Aman-Inan keta halo oan sira laran susar. Hanorin sira disiplina no nai nia doutrina lolos.
Atan sira halo tuir nia nai nia hakarak ho hamtauk ho laran tomak halo hot-hotu ho laran los hanesan imi servi Kristu rasik. Sai atan hanesan Kristu neebe sai atan ba ema hotu iha mundu rai-klaran. Nai sira keta halo atan sira tauk maibe hanoin katak imi ho atan sira iha nai ida deit iha lalehan.
“Buat hirak nee mak doutrina neebe Saun Paulo hanorin atu bele hetan salvasaun iha ita nia moris. Doutrina neebe inspira ita atu esforsu-an tomak hodi desenvolve iha ita moris ida-idak. Doutrina neebe inspira ita atu kapasita ita-an loron ba loron atu sai oan, sai inan-aman, sai nai no sai atan neebe diak no kualidade, Nai haraik bensaun ba ita hotu,” hatete Padre Richardo.
(eme)
