DILI, STLTIMORLESTE.com – Xefe Aldeia Likarapoma, Suku Bairo Pite, Postu Administrativu Dom Alexo, Munisipiu Dili, husu ba ninia komunidade hakiak animal hanesan fahi, tenke tau iha fatin neebe seguru.
Haktuir Xefe Aldeia Likarapoma, Suku Bairo Pite, Rogerio dos Santos Exposto ba jornalista STL, Segunda nee (21/04/2015).
“Kona-ba animal sira neebe mak komunidade sira husik hela ou hakiak hela nee iha planu ona, ita hotu-hotu hatene governu mos bandu ona iha lei lubuk ida hatete ona labele husik animal, liu-liu iha kapital Dili, maibe hanesan autoridade lokal hatoo ona ba iha munisipiu, depois de orariu ba limpeza iha Aldeia Likarapoma prontu sira sei mai, maluk sira jestaun merkadu sei mai, liu-liu maluk sira neebe kontrola animal nian,” nia dehan.
Nia dehan, maluk sira jestaun merkadu no hirak neebe kontrola animal ninia, sira sei mai halo kontrolu ba animal neebe komunidade sira hakiak, atu nunee aproveita oportunidade husu ba maluk sira neebe mak hakiak animal karik tau iha fatin neebe mak seguru, atu diak liu ba hakiak iha foho, bainhira presiza mak lori tun mai.
Nunee mos Komunidade Manuela de Jesus dehan, bainhira hakiak animal hanesan fahi, nee tenke iha konsiensia tau iha fatin neebe moos, kada loron tenke fase para labele fo impaktu ba ema neebe hela besik, tanba xefe aldeia rasik fo avizu ona, oinsa komunidade neebe hakiak fahi tenke hamoos, atu nunee labele prejudika ema seluk nian saude.
“Bainhira ita hakiak animal hanesan fahi, nee tenke iha konsiensia tau iha fatin neebe moos, kada loron tenke fase para labele fo impaktu ba ema neebe hela besik, tanba xefe aldeia rasik fo avizu ona, oinsa komunidade neebe hakiak fahi tenke hamoos, atu nunee labele prejudika ema seluk nian saude,” nia komenta.
(jen)
