DILI, STLTIMORLESTE.com – Prezidente Republika (PR), Jose Ramos Horta husu Xefia ka Diretor iha sentru Likisa atu responsabiliza ba ajente mediku ka estajiadu ida neebe sona bebe, maibe too hakotu iis tanba la kontrola.
Xefe Estadu hatoo kestaun nee ba jornalista sira, bainhira remata vizita eskola Z&Z Eschool Internasional Bebonuk, Sesta (07/11/2025).
Nia hatete, liga ho kazu deskonfia estatajiadu ida sona bebe ida ran sai barak iha Likisa ikus hakotu vida, Prezidente Republika husu Xefe ka Diretor iha Sentru refere responsabiliza.
“Se mak responsavel Diretor ospital nee Doutor, Xefia iha neeba mak responsavel, estudante sira halo estajiadu, labele entrega direita ba Doutor estajiu nee, maibe nia hamriik iha neeba haree doutor sira halo servisu oinsa buat balun simples nia bele halo maibe lo-loos sira hamrik neeba haree laos entrega fali pasiente ida ba estajiariu ida diak liu entrega ba emfermeira antigu ruma dukue entrega ba estajiria nee,” dehan PR, Horta.
Prezidente Republika afirma, ema neebe responvel ba aktu ba hatan kriminal laos estajiadu maibe Xefia neebe iha sentru refere.
“Se mak responsavel kriminal, ida neebe Diretor iha ospital nee mak responsavel,” dehan Prezidente Republika.
Signifika katak pesoal saude sira presiza fahe tarefa serbisu ba estajiariu sira hatan ba kestaun nee Prezidente Republika hatete, sim nee tenke mai husi Ministeriu Saude mak responsavel numeru um.
Xefe Estadu hatete, Ministeriu Saude hamutuk ho diresaun ospital mak respovel, no presiza haree diresaun ospital ba klinika neebe bele iha kualidade para bele simu estajiariu sira laos kualker haruka ba deit lae.
“Estajiaria lavale buat ida depois perigozu, estajiu bele halo iha HNGV, ospital Baucau, tanba hospital balun manutensaun laiha abandona hanesan iha Maubesi la halo rehablitasaun Maliana, Suai lahalo rehablitasaun, formasaun neebe lolos no ho responsablidade, estajiu nee importante tebes hola parte kursu medicina maibe tenke ema neebe kordena ho estajiu nee professional Top ida labele husik estudante mesak mesak mak halo atendementu,” dehan Horta.
Jornalista: Emerenciana Pinto
Editora: Carme Ximene
