DILI, STLTIMORLESTE.com – Familia neebe iha oan defisiensia fiziku, lori sira ba eskola neebe mak besik, tanba sira iha direitu asesu ba edukasaun.
“Familia sira liu-liu inan aman neebe mak oan defisiensia fiziku haruka sira ba eskola neebe mak besik, tanba sira mos iha direitu asesu ba edukasaun, labele husik iha uma deit, fo apoiu nafatin sira nia estudu, tanba nee hau nudar defisiensia fiziku agradese ba hau nian familia, tanba ohin loron hau bele remata hau nian estudu iha sekundariu ninia, tanba ita iha prinsipiu ida katak, ita nian direitu hanesan ho maluk sira seluk,” dehan Julio Nunes da Costa hanesan defisiensia ba STL iha Vila-Verde, Kuarta nee (12/03/2025).
Nia dehan, agradese ba familia neebe durante nee apoiu ninia estudu, no husu ba familia hotu neebe iha oan defisiensia haruka sira ba eskola, karik sira sei kiik lori sira ba eskola no bele asesu ba iha edukasan non formal.
Iha fatin seluk, Diretor Ezekutivu ADTL, Cesario da Silva husu ba inan aman sira labele moe ho oan neebe defisiensia, suporta nafatin sira asesu ba edukasaun formal tantu non formal, labele impede oan nian direitu.
(jac)
