DILI, STLTIMORLESTE.com – Hospital Nasional Guido Valadares (HNGV) liu husi Departementu Medisina Interna preokupa numeru pasiente fase raan neebé kada loron rejistu nain 10 ba leten.
“Ita iha ona planu atu hola tan makina, tanba kada dia nee pasiente aumenta, tanba nee mak ita nia MS liu husi HNGV planu atu sosa tan makina fase raan nian rua,” hatete Xefe Departementu Medicina Interna, Gustavo Rosario da Cruz ba jornalista sira iha salaun OPD HNGV, Díli, Tersa nee (29/10/2024).
Nia dehan, preokupa tebes ho situasaun no kondisaun sidadaun hotu iha territoriu laran, tanba barak mak la kuidadu aan hodi implika numeru pasiente fase raan kuaze loron-loron tenke rejistu ema nain 10 ba leten.
Nia esplika, relasiona ho numeru pasiente fase raan neebe mak kada loron rejistu aas, uluk kuaze tinan barak haruka ba iha rai liur, ida nee han osan barak demais, nunee Governu liu husi MS realiza ona promesas neebe durante nee sira halo, hodi harii ona uma ho andar lima hodi fo espasu ba pasiente fase raan nian.
Nia deklara, bainhira husu kauza husi moras ida nee, nia parte esplika mosu moras rins hodi implika pasiente tenke fase raan, tanba raan midar neebe mak ladun hetan kontrolu nomos moras tensaun inklui moras primaria sira seluk neebe antes nee ladun hetan traramentu intensivu hodi ikus mai tenke fase raan.
(jen)
