DILI, STLTIMORLESTE.com – Daudaun nee nasaun Xina hasoru hela Human Metapneumovirus (HMPV), maibe karik surtu foun nee tama mai mos iha Nasaun Timor Leste (TL), Hospital Nasional Guido Valadares (HNGV) prontu fo atendimentu ba ema neebe kona surtu ka moras HMPV.
Diretor Servisu Apoiu Diagnostiku no Terapeutiku iha HNGV, Vidal de Jesus Lopes hatete, surtu foun neebe ho naran HMPV neebe mosu ona iha Nasaun Xina, karik surtu nee mai iha Timor Leste mos, HNGV prontu ho rekuru umanu no fasilidade neebe iha atu hasoru surtu HMPV nee rasik.
“Ita hotu rona ona katak, HMPV Xina, maibe ita altera nafatin, ami Hospital nafatin prontu karik moras HMPV tama,” dehan Vidal ba jornalista sira iha nia knaar fatin HNGV, Tersa (14/01/2025).
Maibe nia dehan, governu liu husi Ministeriu Saude kontinua alerta nafatin katak, surtu nee karik tama mai TL protu atu hasoru, tanba Hospital Antônio Carvalho Lahane halo ona faze Kondisaun preparasaun ba virus HMPV nee rasik.
Iha fatin ketak, Akademista UNPAZ, Acasio da Costa hateten, daudaun nee Nasaun Xina preokupa hela ba virus HMPV, tanba surtu nee tama ona ba sira nia nasaun, maibe governu liu husi Ministériu Saude tenke iha preparasaun neebe diak hodi hasoru surtu HMPV nee.
(jen)
