DILI, STLTIMORLESTE.com – Hospital Nasional Guido Valadares (HNGV) liu husi Deprtamentu Emerjensia rejista kazu asidente trafiku hamutuk 32, iha loron boot Natal.
“Iha loron 24 Dezembru ita rejista asidente motor nain 10 no karreta laiha, depois iha loron 25 ita rejista asidente motor feto nain 5 mane hamutuk 17,” hatete Xefe Departamentu Emerjensia HNGV, Júlia Rodrigues ba jornalista sira iha sala Emerjensia HNGV, Sesta (27/12/2024).
Maibe nia dehan, husi loron boot nee Departamentu Emerjensia mos rejista kazu hamutuk 174 husi nee feto 86 mane 88, kazu sira nee pasiente balun idade liu no moras kronika sira no balun labarik kiik sira mai ho kabun moras, mear, entaun ida nee mak HNGV rejista iha loron 24.
No kazu sira neebe mak rejista iha loron boot Natal nee maioria mai husi Munisipiu Dili, hanesan moras labarik sira liu-liu kabun moras, mear, no mos asidente trafiku inklui moras ema boot nian iha variedade hanesan struk atakasaun neebe mak aprezenta durante loron rua.
Iha fatin ketak, Kondotor motorista, Félixa Silva esplika, daudaun nee lori karreta ho motor kuidadu, tanba agora asidente iha fatin-fatin, depois lori karreta ho motor labele lanu.
“Ita haree asidente iha fatin-fatin barak, tanba nee lori karreta ho motor kuidadu, labele lori karreta ho motor ho kondisaun lanu, no halai neneik, tanba halai neineik mos sei too,” nia afirma.
(jen)
