DILI, STLTIMORLESTE.com – Governu liu husi Hospital Nasional Giudo Valadares (HNGV) halao selebrasaun Loron Mundial ba ema moras ba dala XXXIV no loron padroeira HNGV Nossa Senhora de Lourdes.
“Ohin ita hotu-hotu mai iha fatin ida nee atu selebra loron mundial ba ema moras, nee laos deit ita selebra maibe uza momentu ida nee hanesan loron reflekasaun ida ba ita hotu-hotu oinsa mak ita bele halao diak liu tan ita nia servisu,” hatete Vise Ministru Saúde ba Operasionalizasaun Ospitál (VMSOO), Flávio Brandão Mendes de Araújo ba jornalista sira liu husi nia deskursu iha HNGV, Kuarta nee (11/02/2026).
Nia tenik, ba Profisional Saúde sira hanoin katak domin nee hanesan meus tratamentu boot ida ba pasiente.
“Ita laos uza deit ekipamentu mediku, aimoruk, maibe pesoal saúde sira oinsa mak refleta duni karakter domin, kuandu domin nee enerjia Tuhan, enerjia cinta nee enerjia penembuhan, sei ita servisu henesan kewajiban ida, maibe laiha domin nee labele,” nia informa.
Nia dehan, saúde nee tenke lao ho modalidade tolu mak hanesan pengobatan dan penyembuhan, no fiziku mental ho espiritual mos, tanba nee tenke hahalok neebe saudavel hodi fo atendimentu ba pasiente sira neebe baixa iha HNGV).
“Ita labele moris ho enerjia odiu vingansa, enerjia hirus, sei ida nee mak iha ita, entaun espasu ba ita laiha ona domin, sei wainhira pasiente ida mai halo tratamentu neebe diak, signifika nia dehan hau hetan duni ona penembuhan,” nia Informa.
Iha fatin hanesan, Pasiente Laurinda Olida de Pinto hamriik nuudar reprezentante pasiente sira hotu neebe baixa iha HNGV fo agradese ba Profisional Saúde sira hamutuk hodi tau matan no fo tratamentu ba pasiente sira neebe baixa iha HNGV.
“Ami la senti katak ami mesak, tanba ami senti ita boot sira nia meneira simu ami iha odamatan primeiru, ida nee ami senti tiha ona katak uma nee ami nian, tanba ita boot sira nia atendimentu ba ami molok fo aimoruk ba ami, nee ami senti ona ita boot sira nia domin ba ami katak ami la senti mesak maibe ami mos parte iha ita boot sira nia moris,” nia afirma.
Entretantu observasaun STL nia iha terenu, Hospital Nasional Giudo Valadares (HNGV) halao misa agradesimentu hodi selebrasaun Loron Mundial ba ema moras ba dala XXXIV no loron padroeira HNGV Nossa Senhora de Lourdes.
(jen)
