DILI, STLTIMORLESTE.com – Prezidente Republika (PR), Jose Ramos Horta hamutuk ho Visi Primeiru Ministru Mariano Assanami Sabino halo abertura Dili Marathona 2024, iha Palasiu Prezidensial.
Bainhira remata halo abertura, Prezidente Republika Jose Ramos Horta ba jornalista sira iha Palasiu Prezidensial Bairo Pite, Sabadu (16/11/2024) hatete, ohin dala ida tan Prezidensial hamutuk ho federasaun atletizmu ho Visi Primeiru Ministru Mariano Asanami Sabino inaugura Dili Marathon, maibe tinan ida nee la halo ful Marathon halo deit Hap Marathon 21 kilometru ema barak partisipa, maibe ladun, depois federasaun mos laiha orsamentu.
“Hau koalia tiha ho Visi Primeiru Ministru Assanami, tanba Ministeriu Juventude Desportu monu iha nia okos koalia ona ho federasaun atletizmu para fulan Dezembru halo ona reuniaun. Hau sei koalia mos ho Primeiru Ministru para 2025 halo Marathon ida boot komparasaun pelumenus fulan 6 antes hahu preparasaun para sai boot, susesu boot para ema hotu iha indonezia ASEAN mai hola parte Timor Leste nia adezaun ba ASEAN,” katak nia.
Prezidente Republika hatutan, 2025 Prezidente hakarak halo atividade lubuk ida hodi selebra Timor Leste nia adezaun ba ASEAN, kona-ba Marathon Internasional, Festival Rabilau, Festival sinema ida tan, atividade kada akademika oin-oin kona-ba ASEAN.
Xefe Estadu hatete, kalendariu 2025 sei nakonu ho atividade oin-oin hodi selebra mos TL nia adezaun ba ASEAN.
Nunee mos Atletizmu Nasional Felisberto de Deus hatoo agradese ba Prezidente Republika Jose Ramos Horta neebe mak realiza eventu Dili Marathona, nunee alteta sira kompete nunee nia bele hetan segundu lugar iha Dili Marathona 2024.
Atleta nasional neebe mak sai segundu lugar iha Dili Marathona iha eventu Dili Marathona, hau sente orgulhu tanba bele hetan segundu lugar, maske preparasaun limitadu ho deit semana ida hodi kompete iha eventu ida nee, no loke eventu nee atu prompve Timor Leste iha mundu,” katak Felisberto.
Nia hatutan, ho premiu neebe nia simu iha segundu lugar inklui orsamentu nia sei uza hodi halo treinamentu iha vida atletizmu nia inklui mos selu ba nia estudu.
(eme)
