DILI, STLTIMORLESTE.com – Prezidente Republika (PR), Jose Ramos Horta hatete, sidadaun Filipina Arnolfo Teves Jr la prienxe rekezitu azilu politika iha Timor Leste.
Prezidente Republika Jose Ramos Horta hatoo kestaun nee ba jornalista sira, bainhira remata partisipa selebrasaun loron masakre Santa Kruz no loron Juventude ba dala 33 iha Santa Kruz Balide, Tersa (12/11/2024).
Prezidente Republika hatete, relasiona ho prosesu sidadaun Filipina Arnolfo Teves Jr nee setor justisa mak lakon kredibilidade.
“Setor justisa mak lakon kredibilidade Timor Leste atu tama ASEAN, maibe setor justisa iha kazu ida ke governu membru ASEAN ida halo akuzaun liu ona Interpol no Interpol mandadu kaptura bele dehan setor justisa la book aan nee hatun TL nia kredibidade hatun intrese responsabilidade, se mak responsabilidade Prezidente Tribunla Rekursu, nia mak responsabilidade ba ida nee konsekuensia saida nia mak tenke esplika.
“Arnold nee la prienxe kriteria nuudar azilu politiku,” katak PR Ramos Horta.
Karik tanba razaun Timor Leste ho Filipina seidauk asina halo estradisaun, hatan ba kestaun nee PR Horta dehan lae, nee la interese akordu estradisaun iha ka laiha maibe nia rasik la kumpre rekezitu atu hela iha Timur.
“Dala hira ona, tanba deit mai iha Aeroportu tanba problema viza ema duni sai, agora ema ida akuzadu ho krime boot mai ho esplikasaun oin-oin laiha akordu estradisaun, “ katak nia.
(eme)
