DILI, STLTIMORLESTE.com – Prezidente Republika (PR), Jose Ramos Horta hatete, nia ezonera Lukeno Alkatiri husi membru Konselhu Superior Majistratura Juridiku tanba fulan Maiu kompleta tinan 3 ona.
Prezidente Republika Jose Ramos Horta hatoo kestaun nee ba jornalista sira iha salaun Multizu Bebora, Kuarta (14/05/2025).
Nia hatete, nia ezonera Lukeno tanba fulan Maiu kompleta ona tinan 3.
“Presizamente tanba Maiu tinan 3 ona, primeiru hau simu pose haruka kria estabilidade ho VIII Governu tanba sira hotu-hotu stres tanba durante kampanha nee CNRT hotu-hotu hatete eleisaun antisipada, entaun sira stres no hau iha kondisaun para dezolve parlamentu demite Governu no eleisaun antisipada hau haree intrese rai nia diak liu ita husi Governu nee remata maske hau la konkorda ho parte konstitusionalidade VIII Governu nia,” dehan Prezidente Republika.
Prezidente dehan, kuandu Primeiru Ministru rezigna aan orsamentu la liu Governu monu natural iha mundu tomak maibe ho sira halo ho Governu aitonka nee mos ilegal inkonstitusional tanba nee Prezidente husik liu deit estabilidade servisu diak los buat neebe restu husi VIII Governu.
“Tanba buat balun labele ansi hau lakohi mos book kedas justisa, tanba ita haree mos parte barak tinan hira nia laran partidarizasaun makaas,” hatete PR.
Maibe neineik halo maibe laos elementu ida nee ida neeba, se mak FRETILIN hatete ba Prezidente maibe haree deit naran diak liu tau ema foun Timoroan ho esperiensia tanba nee mak muda laos senhor Alkatiri nee laiha kompetensia nee lae jurista diak.
Liga ho ezonerasaun nee membru Parlamentu Nasional husi Bankada FRETILIN Kritika Prezidente Republika neebe foin lalais ezonera Lukeno Alkatiri husi membru Konselhu superior majistratura juridiku.
Prezidente Republika ezonera lukeno Alkatiri husi membru konselhu superior majistratura juridiku, ho razaun atu hamoos partidarizasaun iha sistema judisiaria, tanba nee Prezidente Republika iha kompetensia ezonera.
(eme)
