DILI, STLTIMORLESTE.com – Prezidente Republika (PR) Jose Ramos Horta fo sertifikadu rekonhesimentu ba Sekretariu Estadu Assuntu Toponimia no Organizasaun Urbana (SEATOU), Germano Santa Brites, tanba nia hola parte iha preparasaun vizita Sua Santidade Papa Francisco mai Timor Leste, laos buat seluk.
Durante nee Xefe Estadu lakonkorda ho serbisu SEATOU nian tanba hasai komunidade, maibe la prepara fatin, no bainhira hasai komunidade hetan seguransa husi Polisia Nasional Timor Leste (PNTL) no PM, tanba nee Prezidente la konkorda, maibe parte balu mos Prezidente la konkorda ho komunidade neebe halo fali uma iha area sira neebe risku.
Hotu hotu konkorda ho okupasaun ilegal barak no okupasaun ilegal balu perigozu ba sira rasik, tanba sidadaun ida koalia ho Prezidente katak nia uma mota lori, no Prezidente husu hela iha neebe hatan hela iha mota laran, ida nee impkatu ba aan rasik.
“Governu halo lolos hau kritika oinsa halo evikasaun nee halo dialogu ho pasensia barak ajuda ema sira nee, tanba sa sira haree fatin oan ida mamuk harii ona uma ba tanba fatin ba sira mak araska duni laiha, entau Governu nia responsablidade halo dialogu muda sai fo osan hodi muda fatin nemak hau kritika, hau kritika tanba buat hotu hotu bolu polisia bolu PNTL PM apoiu apa Germano, no fo kondekorasaun laos ida nee maibe tanba deit Amu Papa nia visit,a tanba nia mos hola parte amo am onia vizita laos buat seluk. Hau sorte laiha liu iha kondekorasaun nee depois entrega tiha sertifikadu depois hasai foto, buatamak nee hamrik kedas iha hau nia sorin,” dehan PR, Horta ba jornalista sira, iha Museum Kaikoli, Dili, Kinta (18/09/2025).
Antes nee Prezidente Republika keixa SEATOU ba Ministeriu Publiku, tanba konsidera asaun neebe SEATOU halao viola lei liga, ho keixa nee Prokurador Jeral Republika ,Alfonso Lopes mos deklara ona katak, sira nia parte simu ona keisa husi Prezidente Republika, Jose Ramos Horta hasoru SEATOU, maibe sei halo lai verifikasaun ba keixa nee.
Jornalista: Emerenciana Pinto
Editora: Carme Ximenes
