DILI, STLTIMORLESTE.com – Prezidente Republika (PR) Jose Ramos Horta hasoru malu ho Prezidente Kamara Komun Reinu Unidu (RU), Lindsay Hoyle, hodi hatoo preokupasaun neebe Timoroan sira hasoru iha Reinu Unidu.
Prezidente Republika dehan, Prezidente Kamara Komun Reinu Unidu kuaze Nivel Xefe Estadu, babain la simu vizitante sira, maibe Prezidente Horta ba simu Prezidente ho diak, iha hasoru malu nee koalia konaba preokupasaun Timor oan neebe lao Ilegal ba Reinu Unidu
“Lindsay Hoyle, Prezidente Kamara Komun Reinu Unidu nian, nia kuaze Nivel Xefe Estadu, babain nia la simu vizitante sira maibe simu hau ho kontente enkontru Pozetivu diak los, hanesan hau hatete parte neebe hau preokupa liu mak kondisaun ita nia illegal sira iha neeba, fulan janeiru tinan kotuk hau ba iha neeba koalia tiha ona ba ida nee prosesu lao diak komforme ita nia embaixada hatete Governu Ingles prosesu sira halo nee para legaliza situasaun human ulos, trata ema ho dignidade ho respeitu la ameasa la kaer la prende semak hakarak fila legalmente sira fo tan osan para hanesan hahu fila fali vida iha nee ho osan ruma depois iha tinan 5 nia laran prepara aan tinan 5 bele hatama surat iha Irlanda do norte ka neebe bele fila ba legalmente ona nemak hau koalia prinsipalmente, “ dehan Prezidente Republika, Jose Ramos Horta ba jornalista sira, bainhira remata vizita trabalhu nasaun Bulgaria ho Reinu Unido no fila hikas mai Timor-Leste, iha Aeroportu Internasional, Nicolau Lobato, Komoro, Dili, Segunda (28/04/2025).
Iha biban nee Prezidente Republika, Ramos Horta mos hasoru malu ho kompanha petrolifeiru ida neebe hlo investimentu iha Timor prosesu nee lao dadaun sira kontente, iha kampu de gas ida ke besik great sunrise naran coulidis kampu nee boot maibe diak sufisiente buat hotu prontu para investimentu aranka bele komesa halo produsaun iha tinan 2 ka 3 nia laran, no produsaun lao dadaun ona antes liu dukue great sunrise.
“Bainhira iha akordo parte rua asina sei lori tinan 6 ka 7 mak bele halo produsaun, maibe ida couludis tasi Timor nee fasil liu bele aranka kedas, prosesu lao diak hela entre Governu,” katak nia.
Prezidente Republika, Jose Ramos-Horta hasoru malu ho Sir Lindsay Hoyle, Prezidente Kamara Komun Reinu Unidu nian, iha Parlamentu britaniku iha Westminster. Enkontru nee marka pasu signifikativu ida hodi hametin relasaun bilateral entre nasaun rua nee, ho líder rua destaka estabelesimentu foin lalais nee husi Embaixada Timor-Leste nian iha Londres nuudar marku ida iha relasaun diplomatiku sira.
Durante diskusaun sira, Prezidente Ramos-Horta hatoo agradesimentu ba Reinu Unidu nian neebe simu komunidade timoroan sira no rekonese respeitu neebe sira hetan iha sosiedade britaniku. Xefe Estadu sublina mos kompromisu Timor-Leste nian ba prinsípiu demokratiku sira, hodi destaka ita-nia nasaun nia tranzisaun poder pasífika sira no estabilidade polítika. Prezidente, iha nia fatin, rekonese valor sira neebe fahe kona-ba demokrasia, liberdade, no toleransia entre nasaun rua nee.
Prezidente Ramos-Horta anunsia katak Timor-Leste finaliza daudaun nia prosesu adezaun ba ASEAN, hodi hein atu tama kompletu iha tinan nee nia rohan. Nia mos diskute kona-ba Reinu Unidu nia papel potensial iha promosaun dame nian iha nível mundial, partikularmente iha esforsu sira mediasaun konflitu nian hanesan iha Ukrania. Adisionalmente, líder timoroan nee temi nia intensaun atu reprezenta Timor-Leste iha Papa Francisco nia funeral, hodi sublina nasaun nia fiar katolika neebe klean no ligasaun espiritual sira ho Vatikanu.
(eme)
