DILI, STLTIMORLESTE.com – Prezidente Republika (PR), Jose Ramos Horta husu ba Sekretariu Jeral Partidu FRETILIN, Mari Alkatiri diak liu haree ba servisu partidu nian, nunee eleisaun mai labele lakon.
Xefe Estadu hatoo kestaun nee ba jornalista sira, bainhira remata selebrasaun tinan 24 ezistensia UNTL, iha Kampus UNTL Hera, Sesta (15/11/2024).
“Sekretariu Jeral Partidu FRETILIN diak liu tau matan ba problema FRETILIN nian nee mak diak liu, tanba tinan-tinan eleisaun mai FRETILIN monu nee FRETILIN laiha ona, neebe diak liu avo Sekretariu Jeral tau matan, oinsa hamoris fila fali FRETILIN lalika preokupa ho Prezidente Republika,” katak PR, Horta.
Prezidente Republika hatete, diak liu Sekretariu Jeral Partidu FRETILIN tau matan ba partidu, nunee eleisaun mai labele lakon tan, no husu lalika preokupa ho Prezidente Republika tanba nia saude diak hela.
“Prezidente Republika saude diak los mandatu diak loos mundu rekonhese, hotu-hotu povu iha povu rekonhese kontente, Eembaixada sira kontente, maun Boot Xanana kontente, nee duni hau hatete ba partidu kiik sira FRETILIN, PLP diak liu tau matan ba sira nia partidu, tanba eleisaun liu ba sira monu makaas loos,” katak nia.
(eme)
