DILI, STLTIMORLESTE.com – Prezidente Republik Jose Ramos Horta husu jornalista nafatin hatudu profisional, no husu governu nafatin apoiu meius ba media sira.
Prezidente Republika Jose Ramos Horta hatoo lia hirak nee ba jornalista sira bainhira remata partisipa loron mundial ai-haan iha Kantina Matak Palasiu Prezidensial Bairo Pite, Tersa (15/10/2024).
Prezidente Republika hatete, iha mundu, oras nee daudaun jornalista, ezemplu iha ASEAN no Palestina, jornalista 100 resin mak mate, iha funu sira konflitu, jornalista sira sempre mate. iha Timor sorte laiha funu no laiha Guerra iha liberdade imprensa, maibe husi nee, rai ida neebe livre moris iha dame laran, mundu hanoin ba jornalista sira iha neebe buka fo informasaun ba sosiedade. Mate, tanba dala ruma bomba ruma rebenta, dala ruma ema halo asanisasi ba sira, iha rai balun, hanesan iha Méksiko, Míanmar no Rúsia, sira buka duni jornalista oho sira, tanba sira hakerek buat neebe balun la gosta.
Prezidente hatete, laos deit governu, ezemplu jornalista mate iha Méksiko nee laos governu mak oho, maibe grupu krime organizadu nee. Tanba nee, ba sira hotu-hotu, hatudu solidariedade ba sira.
Jornalista sira atu sai profisional nee sempre, tanba hanesan edukasaun ida sei lori tempu, laos deit ba eskola estudu jornalizmu, maibe presiza meius para sai profisional diak.
(eme)
