MAUFAHI, STLTIMORLESTE.com – Prezidente Republika (PR), Jose Ramos Horta husu juventude sira kontinua estuda, tanba futuru nasaun iha joven sira nia liman.
Prezidente Republika, Jose Ramos Horta hatoo kestaun nee ba jornalista sira, bainhira remata lidera dialodu ho inter jerasional, oinsa prepara jerasaun ba futuru Timor Leste, iha Luak, Same, Sesta (21/03/2025).
Iha diskusaun nee Prezidente hatoo mensajen xave simples ba jerasaun foun sira katak estuda, estuda no estuda liu tan, partikularmente iha siensia no teknolojia Sekulu XXI nian atu responde ba dezafiu no oportunidade kontemporanea sira.
Prezidente Republika hatete, uluk luta ba ukun aan laos ho kilat deit, maibe ho matenek tatika oin-oin husi luta nain sira mak lori rai nee ba hetan ukun rasik aan, tanba nee nasaun ba oin presiza ema matenek, tanba nee husu atu kontinua estuda nunee bele lori rai no povu ba oin ho prosperu.
“Importante tebes rai nee kiik no rai nee fraku, forsa ita nia ba oin ho kakutak, ita manan indepedensia mos tanba ho ema barak nia apoiu laos tanba kilat. Jeneral ida nia bele diak perigozu, jeneral ida jere nia povu ho batalhaun tenke matenek, ita nia lideransa politika iha rai laran erru barak laiha erru la tuir ona istoria, hau la fiar ke Timor uniku iha mundu iha istoria humanidade ke lideransa juta ida la halo misteriu maibe klaru tanba sira nia matenek ohin ita hamriik iha nee,” dehan PR Horta.
Iha diskusau Prezidete kongratula Timoroan sira neebe estabelese no jere universidade privada sira, iha instituisaun barak liu ba populasaun ho milhaun 1.4 ho nia rendimentu nasional neebe kiik tebes.
Proliferasaun ida nee signifika katak maioria universidade sira labele oferese edukasaun ho kualidade, neebe rezulta iha graduadu barak simu diploma sira neebe la iha signifikadu. Governu tenke iha kbiit enkoraja universidade sira atu halibur no redus numeru fakuldade sira, hodi foka liu ba mestre no infraestrutura sira ho kualidade aas.
(eme)
