DILI, STLTIMORLESTE.com – Prezidente Republika (PR), Jose Ramos Horta hatete, jogu online iha Timor Leste perigozu tebes, tanba nee husu Primeiru Ministru atu taka jogu nee.
“Nee perigozu tebes, kuitadu ema barak iha mundu soesidu tanba jogu sira nee, perigozu ba Timoroan sira, kazino Kazino neebe reguladu nee oin seluk, Singapura iha, Australia tolu ka 4 kedas iha Darwin, Portugal iha maibe nee oin seluk, mais kazino mos hau pesoal la konkorda ba ema neebe kiak mehi hetan rihun US$ 100 ka um milhaun mais entre rihun US$ 10, ema jogador rihun 10 ke joga persentajen hira mak lakon hira mak bele hetan premiu oan ida karik, kada rihun US$10 ida karik mak hetan, rihun US$ 99 mak la hetan nee duni Kasino mos iha duvida boot, jogu online nee la kontrola,” dehan PR, Horta ba jornalista sira, iha Museum Kaikoli, Dili, Kinta (18/09/2025).
Maibe Jogu Online 4 mak legal, oinsa Prezidente nia haree, hatan ba kestaun nee Prezidente hatete, nia ladun akompanha jogu online nee legal ka lae, se governu mak fo autorizasaun ka lae, tanba Prezidente iha elementu ida rekolha informasaun para haree ida, maibe hein Primeiru Ministru fila mai tenke kontrola.
“Primeiru Ministru fila mai tenke kontrola, ami nia amigu balu husi liur konhese buat sira nee sira avija bebeik sira hatete kuidadu ema sira nee, hau lakohi temi rai nia naran tanba rai sira nee mos infrenta ameasa sira nee, la signifika sira nia Governu taka matan ba ida nee, tanba krime organizadu iha mundu nee Eropa nakonu loos, Timor Leste hau hatete bebeik ita Timor Leste laiha krime organizado timorense laiha timoroan metidu iha krime organizadu,” katak PR, Horta.
Prezidente Republika hatete, krimi organizadu sufistikadu tebes no sira buka krime organizadu no rai sira neebe frazil sira tanba sira suvistikadu professional 100% ho ekipamentu hotu hotu entau sira buka rai sira hanesan Timor.
Tuir Prezidente Republika nia hanoin jogu online nee tenke taka duni maibe laos fasil tanba internet livre iha Timor konetividade diak, maski taka nee mais sira kontinua joga nafatin iha kambodia, ka Xina kontinua joga nafatin.
Jornalista: Emerenciana Pinto
Editora: Carme Ximenes
