DILI, STLTIMORLESTE.com – Prezidente Republika (PR), Jose Ramos Horta hatete, kria lei pensaun vitalisia nee kontra ona Konstituisaun Republika Demokratika Timor Leste.
Nia hatete, hamosu lei pensaun vitalisia nunee membru Governu no parlamentu neebe serbisu tinan 4 ka 5 simu pensaun vitalisia, nee kontra ona konstituisaun Republika Demokratika Timor Leste.
“Hau hatete nunee bele karik konforme juri sira hatete, hau konkorda labele iha lei ida retroativu nee prinsipiu ida, maibe hau bele argumenta. Fo argumenta seluk ida lei be kria pensaun vitalisia, nee lei nee viola konstituisaun, tanbasa. Latuir prinsipiu de justisa de ekuidade, tanba sa mak fo pensaun vitalisia ba ema ida serbisu deit tinan 4 ka tinan 5 iha parlamentu ka governu maibe kuitadu mestri sira, profesores sira, emfermeiru sira, polisia sira, funsionariu babain atu hetan pensaun ruma tenke serbisu tinan 30,” dehan PR Horta ba jornalista iha Palasiu Prezidensial Nicolau Lobato, Bairu Pite, Tersa (16/12/2025).
Nia afirma, ida nee mak hanoin bele halo debate ida konaba konstitusionalidade lei neebe uluk kria pensaun vitalisia, lei nee viola konstituisaun
“Hau mak juis iha Tribunal rekursu analisa nee hau hatete, lei nee uluk nee viola tiha ona, nee duni lei atual hamate nee los,” dehan Horta.
Tuir nia, tanba nee bainhira tribunal seidauk deklara konstitusional, husik ba Tribunal mak foti desizaun.
Jornalista: Emerenciana Pinto
Editora: Domingas Gomes
