DILI, STLTIMORLESTE.com – Prezidente Republika (PR), Jose Ramos Horta hatete, nia labele fo indultu ba eis Padre Ricard Daschbach se bainhira laiha karta konkorda husi Governu.
Prezidente Republika Jose Ramos hatoo kestaun nee ba jornalista sira liu husi Konferensia Imprensa iha Palasiu Prezidensial Nikolao Lobato, Bairo Pite, Tersa nee (27/05/2025) hatete, nia labele fo indultu ba eis Padre Ricard Daschbach se bainhira laiha karta konkorda husi Governu.
Prezidente Republika hatete, lista neebe husi Ministru Justisa, Prezidente Republika uza nia kompetensia hodi empora ba Governu liu-liu Primeiru Ministru hodi fo indultu ba sidadaun nain 5 feto 5 mane nain 1, maibe Primeiru Ministru aseita ho lista PR haruka tanba nee fo indultu ba sidadaun nain 6 deit la inklui eis padre Richard.
“Prezidensia embora kompetensia nee hau nia eskluzivu maibe hau mak haruka asina karta ida husi Primeiru Ministru, proposta mai mak nain 6, feto nain 5 mane nain 1, karta nee mak Primeiru Ministru responde Sesta feira, resposta konkorda ho nain 6 tuir prezidente nia rekomendasaun fo indultu ba sira nain 6 laiha tan naran seluk,” dehan Prezidente Republika.
Prezidente Republika hatete, kona-ba indultu nee prosesu dinamiku tanba nee haruka staf husi Prezidensial Republika ba vizita prizioneiru iha Bekora, Gleno no simu mos relatoriu husi Diretor prizaun ikus fo indultu ba sidadaun nain 6 nee deit.
“Prosesu nee prosesu dinamiku ida, hau haruka hau nia staf ba too Bekora, Gleno rona diretor prizaun, no diretor prizaun halo relatoriu hau estuda, pois tuir prosesu formal Governu haruka rekomendasaun maibe hau rasik haruka tiha ona lista ba Governu para hatoo nia opinaiun, tanba formalidade nee rigor umanidade hau labele promulga dekretu nee sein karta ida husi Governu konkorda,” katak PR Horta.
Prezidente dehan, Primeiru Ministru halo karta ida mai Prezidente Republika konkorda ho naran sidadaun nain 6, no kona-ba padre nia naran iha neeba nee la intrese, nee prosesu normal no Governu konkorda mak feto nain 5 no mane nain 1.
(eme)
