ERMERA, STLTIMORLESTE.com – Prezidente Republika (PR), Jose Ramos Horta lamenta ho desizaun Tribunal neebe aplika medida koasaun ba membru Polisia Nasional Timor Leste (PNTL) ida neebe tiru nia feen iha Aimutin foin lalais.
Liafuan nee Prezidente Republika Jose Ramos Horta dehan ba Jornalista iha Munisipiu Ermera, Kuarta (22/10/2025).
Nia hatete, lo-loos nee arguidu iha ona komarka laos Tribunal Judisiaria Primeira Instansia Dili aplika deit aprezentasaun periodika (AP) ba arguido ajente polisia ida neebe tiru nia feen kaben iha area Aimutin foin lalais nee.
“Buatomak nee lolos iha komarka tiha ona hein iha neeba, nee hatudu tribunal ou setor justisa lakon kredibilidade halo persegisaun politika ba membru Governu ida nee ka ida neeba tun sae, maibe buat krime akontese nee omesido premitadu halo fali desizaun ida nee, tanba nee mak kritika makaas ba setor judisiariu,” dehan Horta.
Foin lalais Tribunal Judisiaria Primeira Instansia Dili aplika medida koasaun aprezentasaun periodika ba arguidu ajente Xefe Polisia ho inisial JLO iha Tersa (14/10/2025). Membru PNTL tiru nia feen kaben ho kondisaun gravida
Aleinde nee tuir Membru Komisaun B neebe trata asuntu Negosiu Estranjeiru Seguransa no Defeza, Deputadu Natalino dos Santos katak, Komando PNTL tenke demite oknum polisia nee, tanba fo fali kilat ba ema sivil, satan ema estranjeiru hodi halo treinamentu tiru nee viola lei no regas neebe iha.
Tuir nia, oknum polísia husi Korpu Seguransa Pesoal nee viola lei, tanba tuir lei neebe iha so membru polisia ho Forsa Defeza Timor Leste mak bele kaer kilat no pistola hodi halo treinamentu tiru.
Jornalista: Emerenciana Pinto
Editora: Domingas Gomes
