DILI, STLTIMORLESTE.com – Prezidente Republika (PR), Jose Ramos Horta hatete, Sua santidade Papa Francisco nia vizita mai Timor Leste (TL) iha fulan Setembru tinan kotuk sai hanesan mina morin neebe hela nafatin ho povu Timor.
Prezidente Republika, Jose Ramos Horta hatoo kestaun nee liu husi nia diskursu iha komemorasaun loron 20 Maiu iha Palasiu Prezidensial Nikolao lobato, Bairo Pite, Dili, Tersa (20/05/2025).
Prezidente Republika hatete, vizita Sua Santidade Papa Francisco sai prezente folin-laek ida, hanesan mina-morin midar ida neebe hela nafatin, ninia liafuan sira kontinua atu koalia.
“Ninia prezensa iha ita-nia leet, iha fulan Setembru 2024 sai prezente folin-laek ida, hanesan mina-morin midar ida neebe hela nafatin, ninia liafuan sira kontinua fo lian iha povu Timoroan nia fuan, hametin ita iha fiar, inspira ita iha esperansa no enkoraja ita iha justisa no rekonsiliasaun,” dehan Prezidente Republika.
Prezidente dehan, nia hanoin ho emosaun partikulr mensajen sentral husi nia vizita, simples hanesan mos transformativu “Imi-nia Fiar sai imi-nia Kultura.” Ho liafuan sira nee, Amu-Papa Francisco dezafia ita atu la tauk kesi Evanjelhu ho klamar klean Timoroan nia identidade nian, atu sai perfume Evanjelhu nian iha rai ida nee, hanesan nia hateten perfume rekonsiliasaun nian, dame nian, kompaixaun nian, justisa nian.
“Ninia lian neebe kmaan no metin, husu ita atu habelar mina-morin ida nee hasoru buat hotu neebe hatun no harahun dignidade umana kiak, violensia, korrupsaun, alkolizmu, la respeitu ba feto sira no indiferensa ba sofrimentu, liuliu hasoru funu no trajedia sira neebe harahun ohin loronn. Ohin, bainhira ita selebra tinan ida tan ita-nia Restaurasaun Independensia nian, ita hetan inspirasaun husi legadu espiritul no morl ida-nee neebe husik hela husi Sua Santidade. Ami reafirma ita-nia kompromisu atu halo ita-nia fiar laos deit refujiu ida, maibe sai forsa moris no transformadora ba konstrusaun sosiedade ida neebe umanu liu, justu no solidriu liu,” katak PR Horta.
Xefe Estadu hatutan, ho Sua Santidade Papa Leo XIV sempre inspira atu estuda komunikasaun no tomada pozisaun sira neebe Santa Se adota hasoru funu oin-oin, krize umanitria no trajedia sira neebe harahun planeta. Desizaun sira nee iha signifikadu espesial bainhira observa tuir roman personalidade no perfil Sua Santidade Papa Leão XIV nian.
Ninia eleisaun, rezultadu husi desizaun matenek no ponderadu husi Kolejiu Kardel sira nian, reprezenta eskolha surpreendente ida ba analista no observador sira husi vida Igreja nian. Maibe, ida nee hatudu klean katak koerente tebes ho misaun milenar Santa Se nian.
Pontífise foun reafirma ona, ho klareza no determinasaun, sentralidade doutrina sosil Igreja nian, hodi tau karidade sarani, justisa no atensaun ba sira neebe haraik aan no vulneravel liu iha sentru ninia asaun pastorl. Iha tempu neebe mundu parese mout iha nakukun laran marka ho violensia, konflitu no lakon valor espiritul sira liafuan no jestu sira husi Sua Santidade Papa Leão XIV maka fonte esperansa nian.
“Hanesan Papa Francisco dehan, ita moris iha mundu desakralizadu, neebe dalabarak domina husi “Ema funu nian Maibe, fo kmaan atu hatene katak ita laos oan-kiak iha ita-nia fiar no katak, iha rai-rahun sofrimentu nia leet, naroman domin nian ba ita-nia maluk moris nafatin, hafoun iha figura Sumo Pontífise foun nian,” hakotu nia.
(eme)
