DILI, STLTIMORLESTE.com – Prezidente Republika (PR), José Ramos Horta hatete, presiza hametin papel organizasaun Ema ho Defisiensia (EhD) no elabora iha politika.
Prezidente Republika José Ramos Horta hatoo kestaun nee liu husi mensajen ba loron Nasional Ema ho Defisiensia, Sesta (04/07/2025).
“Ita presiza hametin papel Organizasaun Ema ho Defisiénsia nuudar protagonista no parseiru ativu iha elaborasaun polítika. Ema sira ho defisiensia nia lian tenke sai hanesan sentru ba desizaun neebe afeta sira,” dehan PR Horta.
Prezidente Republika hatete, fiar iha Timor Leste ida ba ema hotu-hotu no mehi nee realiza iha asaun kiik no boot sira rampa ida neebe harii ho diak, dokumentu síviku ida neebe hasai laho barreira, eskola ida neebe asesivel, atendimentu ida ho respeitu iha sentru saude no iha servisu publiku sira, empregu ida neebe dignu ho salariu neebe adekuadu. Asaun sira nee idak-idak tradus ba dignidade, autonomia no partisipasaun.
“Ho ita nia hateke agora ba Loron Mundial Ema ho Defisiensia nian, neebe ita sei selebra iha loron 3 fulan Dezembru tinan 2025, ita kontinua enkoraja setor hotu-hotu sosiedade nian no parseiru dezenvolvimentu sira atu promove tan inisiativa sira neebe haklean inkluzaun ida nee, inklui debate publiku sira,” katak Horta.
Xefe Estadu dehan. kampanha sensibilizasaun, espozisaun talentu, formasaun asesibilidade, no asaun konkreta sira neebe lori rezultadu pratiku no dura ba tempu naruk. kontinua, hamutuk, iha dalan ida nee.
(eme)
