DILI, STLTIMORLESTE.com – Prezidente Republika (PR), Jose Ramos Horta hatete, nia seidauk simu lista indultu inklui Padre Richard Dascbach, bainhira simu sei haree hodi deside.
Prezidente Republika Jose Ramos Horta hatoo kestaun nee ba Jornalista bainhira remata partisipa selebra 20 maiu iha palasiu prezidensial Nikolao Lobato Bairru pite tersa 20/05/2025.
Prezidente Republika Horta hatete nia seidauk haree lista indultu, “hau seidauk haree lista indultu, karik aban hanesan nee bele iha ona hau nia meza leten, tanba ohin feriadu hodiseik feriadu hau laharee,” katak PR Horta.
Sekarik lista Indultu nee Prezidente Republika simu duni aban inklui mos lista Padre nia Prezidente Republika fo indultu kalae? Hatan ba kestaun nee Prezidente Republika hatete se tama Prezidente despaicha kedas.
“Klaru tama hau despaicha kedas komforme hau haree lista nee, hau hatete seriu hau labosok too agora hau seidauk haree lista,” katak prezidente.
Prezidente Republika hatete, kuandu lista nee Prezidente Republika simu ona sei tuur hodi haree hodi tetu antes fo indultu, agora labele hatete buat ida.
Prezidente Republika hatete, nia mos iha esperansa katak aban hanesan lista Indultu inklui Padre bele tama ona iha meza prezidente Republika.
“Hau hatete deit husu espera ke aban bele iha meza leten,” katak Prezidente Republika jose Ramos Horta.
Sosiedade hatete katak se bainhira Prezidente Republika fo indultu ba Padre Dachbach Prezidente nia titulu ida Laureado Nobel da pas nee sei monu oinsa Prezidente nia haree ba ida nee? Hatan ba kestaun nee Prezidente dehan nia la fo komentariu ba ida nee.
Hau la komentar ba da nee tanba hau seidauk haree lista,” katak Prezidente Republika.
Ministru Justisa Sergio Hornai hatete governu liu husi Ministeriu justisa entrega ona lista indultu inklui Padre Richard Dascbach ba prezidente Republika jose Ramos Horta.
Ministru justisa dehan, Governu haruka ona lista indultu hamutuk 38 mak entrega ona ba Prezidente inklui Padre Richard, maibe atu fo indultu ka lae nee kompetensia husi Prezidente Republika.
(eme)
