DILI, STLTIMORLESTE.com – Prezidente Republika (PR), Jose Ramos Horta hatete, Governu liu husi Sekretariu Estadu Komunikasaun Sosial (SEKOMS) la elimina esbosu lei 38.b, lori ka haruka ba Prezidente Republika (PR) sei veta.
Xefe Estadu hatoo kestaun nee ba jornalista sira bainhira remata halao enkontru ho Primeiru Ministru, Kay Rala Xanana Gusmao iha Palasiu Prezidensial Nikolau Lobato, Bairo Pite, Kinta (14/08/2025).
“Se la elimina mai hau veta deit,” dehan Prezidente Republika, Jose Ramos Horta.
Iha biban nee Prezidente Republika mos kongratula Sekretariu Estadu Komunikasaun Sosial neebe bele elimina ona esbosu 38.b, karik la elimina lori ba Prezidente sei veta la promulga. se iha lei ruma mak bandu atividade jornalista ka liberdade espresaun ka bandu jornalista sira nia atividade Prezidente Republika sei veta.
“Ba hau Governu ka Sekretariu Estadu bele halo lei oin oin, maibe se iha lei ruma mai Prezidente Republika se haree, lei ruma mai halo difisil media nia servisu, liu liu jornal, Radio, TV ka media sossal sira nee hau veta,” katak PR, Horta.
Entretantu Sekretariu Estadu Komunikasaun Sosial, Expedito Dias Ximenes ohin deside hamutuk elimina ona esbosu lei 38.b.
“Ami ohin konkorda tiha ona elimina, neebe ohin hau esplika ona ba media hotu hotu,“ dehan Sekretariu Estadu Komunikasaun Sosial, Expedito.
(eme)
