DILI, STLTIMORLESTE.com – Prezidente Republika (PR), Jose Ramos Horta hatete, Timor Leste kumpri ona Roteiru Road Map neebe hatoo husi Sekretariu Jeral ASEAN, hela ida mak seidauk.
Prezidente Republika Jose Ramos Horta hatoo kestaun nee ba jornalista sira bainhira remata halo vizita ba Tribunal Rekursu iha Kaikoli, Sesta (16/05/2025).
“Fulan Maiu nee iha simeira iha Kuala Lumpur lider ASEAN sira halo desizaun, se Timor Leste kumpri ona 100% Roteiru Road Map konforme avaliasaun husi Sekretariu Jeral ASEAN iha Jakarta, kriteriu 7 Timor Leste ezekuta ona kriteria 6 no ultimu kriteriu kona-ba infraestrutura ekonomia nee sira hatete progresu sei kontinua nee normal,” dehan Prezidente Republika.
Prezidente Republika mos iha esperansa ho simera nee desizaun husi ASEAN Timor Leste bele tama ona ASEAN, maibe Prezidente la hatene tama Maiu agora ou simeira Outubru fali.
“Hau espera ho ida nee sira halo desizaun Timor bele tama ona, agora serimonia atu tama nee hau la hatene se Maiu ou simeira seluk iha Outubru,” katak PR Horta.
Aleinde Guiné Bisau mos sei realiza simeira iha fulan Julio, oinsa Prezidente nia haree ba ida nee hatan ba kestaun nee Prezidente hatete, nia konfirma tiha ona Prezidente bele ba.
“Hau konfirma ona hau bele ba maibe hau seidauk koordena ho sekretariu iha Lisboa no seidauk simu ajenda maibe simeira sei iha dia 18 Julhu iha Guine Bisau,” katak PR Horta.
Signifika katak Prezidente Republika mos hetan kovite atu partisipa iha simeira Guine Bisau iha fulan Julhu ka oinsa? Hatan ba kestaun nee Prezidente Republika hatete Prezidente simu ona konvite.
“Sim hau simu konvite mai husi Prezidente Guine Bisau,” dehan Prezidente Republika.
Xefe Estadu hatete, nia simu ona konvite husi Prezidente Guiné Bisau, karik Primeiru Ministru la marka Prezensa no dehan Prezidente Republika mak partisipa, sim Prezidente sei marka prezensa.
(eme)
