DILI, STLTIMORLESTE.com – Prezidente Republika (PR), Jose Ramos Horta hatete, demokrasia buat ida neebe mak permanente, tanba nee nafatin iha komitmentu hodi defende.
Prezidente Republika, Jose Ramos Horta hatoo kestaun nee ba jornalista sira, bainhira remata partisipa konferensia akademika reflesaun nasional sobre 50 anos Proklamasaun Indepedensia Timor Leste, iha Salaun UNTL, Kaikolo, Kuarta (09/04/2025).
“Hau hanoin desizaun sira nee ita halo kleur tiha ona tinan 23 nia laran, tanba nee mak ita hetan klasifikasaun internasional aas tebes nuudar melhor demokrasia ASEAN intermus liberdade imprensa nee laos ita mak halo avaliasaun, nee institutu ida iha Brusela sira haree numeru 10,” dehan Prezidente Republika.
Xefe Estadu dehan, Timor Leste iha klasifikasaun ba demokrasia aas no liberdade imprensa mos top numeru 10, tanba nee presiza kontinua nafatin. Tanba rai barak Iha Europeia nein too Top 10.
“Demokrasia buat ida permanente seguru ita tenke kontinua defende, kontinua komitmentu ba ida nee, tanba rai balun hakiduk, iha nee hau konfiansa primeiru defende ba sosiedade, Sosiedade Sivil, povu Timor nee povu neebe ho opinaun makaas no forte,” katak Horta.
(eme)
