DILI, STLTIMORLESTE.com – Prezidente Republika (PR), Jose Ramos Horta hatete, Timor Leste nia adezaun ba ASEAN iha loron 26 fulan Outubru tinan nee serbisu hahu todan.
Xefe Estadu dehan, atu formaliza Timor Leste nia adezaun ba ASEAN iha loron 26 fulan Outubru tinan 2025, diak liu reprezenta deit mak ba labele lalin membru Governu ba hotu somente gasta deit orsamentu, tanba sira lahalo buat ida neebe lalika lori delegasaun boot.
“Balu hanoin ita tama iha 26 mak nee ona ita tama ona ASEAN, ita tama hahu serbisu todan liu tan, hau hakarak haree asesor barak barak iha Governu nee, matenek boot lahatene sira matenek duni hau hatene sira manan osan boot, maibe iha rai balun rai seluk o kuandu manan osan boot nee tanba matenek boot, iha Timor hau lahatene se asesor sira manan osan boot nee signifika matenek boot, maibe realidade mak ida nee hahu 26 Outubru ba oin serbisu sei todan liu tan,” dehan Prezidente Republika, Jose Ramos Horta ba jornalista sira, iha Munisipiu Ermera, Kuarta (22/10/2025).
Timor Leste tuir Horta tama ASEAN iha fulan 26 Outubru ba oin serbisu sei todan liu tan, Ministeriu hotu hotu tenke halo ininisiativa fo resposta kuandu ema kontaktu hodi ba rauniuan, no reuniaun laos ba tuur bilan hela deit hotu hotu hakarak ba reuniaun ba konferensia depois lahalo buat ida la kumpre programa.
“Dezafiu boot mak nee tanba nee mak rai balun iha ASEAN la fiar ke Timor Leste preparadu hau latemi rai sira nee nia naran, tanba sira rasik haree hau haree Ministeriu barak sempre foti problema oin oin, sira gosta viajen, gosta halo MOU maibe depois lahalo follow up MOU nee akontese kuaze loron loron, hau mak dala barak tenke interven kontaktu Visi Primeiru Ministru, Kalbuady Lay kontaktu Visi Primeiru Ministru, Mariano Sabino direitamente ba Primeiru Ministru tanba rai sira halo keixa satia ho investidor sira satiadu Ministeriu ida nee no ida neeba labook aan buat sira nee akontese, ita tama ASEAN kontinua la kleur ita lakon kredivilidade,” dehan PR, Horta.
Xefe Estadu hatete, selebra boot ba eventu ida nee no oportunidade boot ba Timor Leste, no tama ASEAN investor sei mai Timor, no oras nee investor barak mai ona hanesan fabrika husi Japaun, no prosesu nee hahu ona, maibe kuandu prontu ema rihun haat mak serbisu iha neeba maibe sira investor sira nee sei haree lei kumpre ka lae, kontratu Governu kumpri ka lae, respeita kontratu sira nee derepenti taka tiha buat sira nee.
Jornalista: Emerenciana Pinto
Editora: Carme Ximenes
