DILI, STLTIMORLESTE.com – Prezidente Republika (PR), Jose Ramos Horta ho Primeiru Ministru Kay Rala Xanana Gusmão sei selebra paisajen ano ka husik tinan tuan iha 31 Dezembru 2025 hodi simu tinan foun 2026.
Prezidente Republika Jose Ramos Horta hatete, iha dia 31 Dezembru Prezidente Republika hamutuk ho Primeiru Ministru Kay Rala Xanana Gusmão sei selebra paisajen ano husik tinan 2025 no simu tinan 2026 ho esperansa neebe halao iha Palasiu Prezidensial.
“Loron 31 hau rasik, Primeiru Ministru mak halo selebrasaun paisajen de ano 2026. Hau fiar katak akontesimentu pozitivu barak liu tan sei iha,” dehan PR Horta ba jornalista iha Palasiu Prezidensial Nicolau Lobato, Bairo Pite, Segunda (29/12/2025).
Prezidente Republika hatutan, laos nee deit, aprova investimentu neebe mai nunee halo hotel foun, sentru kovensaun, tanba 2027 signifika ba governu tinan rua deit, nunee bele kompleta projetu infraestrutura importante neebe kontribui ba aranke ekonomia Timor nian boot. Nee duni 2026 sei haree, ezije servisu badinas liu husi parte governu.
Jornalista: Emerenciana Pinto
Editora: Domingas Gomes
