DILI, STLTIMORLESTE.com – Instituto Ciensia Saude (ICS) ezekuta subvensaun atinji ona 80%, bainhira remata sei submete relatóriu ba Ministeriu Ensinu Superior Siensia no Kultura (MESSK).
Reitor ISC, Leao Borges dehan, sira nia ezekusaun ba Subvensaun nee besik hotu ona.
“Ami nian ezekusaun ba subvensaun nee besik hotu ona, nee duni ninia prosesu nee 100% ona ba 50% ninia, nee duni agora sei iha hela prosesu. Bainhira fulan ida nee remata ami sei submete relatóriu ba parte MESSK, tanba nee agora daudaun ami nian ezekusaun ba subvensaun atinji ona 80%, nee ba iha programa tolu neebe mak antes nee hau mensiona ba ita boot sira,” nia haktuir.
Nia dehan, bainhira osan 50% neebe daudaun nee sira ezekuta, karik remata sira sei submete relatóriu ba MESSK. Ho nunee bele simu tan subvensaun 50%, tanba foin daudaun sira simu deit 50%. Nee duni simu tan subvensaun 50% nee sei haree fali programa seluk. Hanesan haree ba iha formasaun, sosa livru, mai fali nee atividades ladun barak ona.
“Ami ezekuta ida nee remata mak halo relatóriu ba MESSK, para bele prosesa fali 50%, tanba agora ninia ezekusaun besik finaliza ona,”nia esplika.
Jornalista: Jacinta Sequeira
Editora: Domingas Gomes
