DILI, STLTIMORLESTE.com – Instituto Ciência Saude (ICS) loke tan departamentu foun saude desportu fiziolojia, nee ba lisensiatura ninia.
Asuntu nee hatoo husi Reitor Instituto Ciensia Saude (ICS), Leao Borges ba jornalista STL iha nia knaar fatin ICS Balide, Dili, Segunda nee (16/03/2026).
“Ba futuru nee ami iha planu atu loke tan departamentu foun, maibe ba tinan ida nee ami loke ona departamentu foun nee mak hanesan departamentu saude desportu fiziolojia, departamentu ida nee ami foin loke no agora daudaun simu hela estudantes foun. Hau hanoin ami nian departamentu ida nee hetan lisensiamentu husi MESSK, nee ba lisensiatura ninia,” nia esplika.
Nia dehan, ICS loke tan departamentu foun ho naran departamentu saude desportu fisiolojia, neebe mak daudaun nee simu hela estudantes foun, departamentu ida nee foin loke iha tinan ida nee,.tanba nee ICS daudaun nee iha departamentu neen (6), uluk nee lima (6), agora aumenta ho ida nee mak neen (6).
“Ami nian departamentu neen (6) nee mak hanesan departamentu enfermajen, parteira, farmasia, siensia biomedika no laboratoriu, nutrisaun, saude desportu no fiziolojia,” katak nia.
Nia akresenta, daudaun ba iha departamentu foun neebe mak sira loke nee simu ona estudantes foun, tanba uluk nee departamentu lima deit, agora aumenta ho ida foun nee mak hamutuk neen ona.
Iha parte seluk, Reitor East Timor Coffee Institute ( ETCI), Mateus Maia de Jesus antes nee dehan, sira seidauk iha planu atu loke departamentu foun ruma, tanba nee sira sei nafatin ho fakuldade neebe mak daudaun nee eziste hela iha sira nian instituto.
“Hau hanoin ami seidauk iha planu atu loke departamentu foun ruma, tanba nee sira sei nafatin ho fakuldade neebe mak daudaun nee eziste hela iha sira nian instituto,” nia haktuir.
(jac)
