DILI, STLTIMORLESTE.com – Institute Ciência Saude (ICS) seidauk bele halo relatoriu kona-ba ezekusaun subvensaun publika hodi submete ba Ministeriu Ensinu Superior Siensia no Kultura (MESSK), tanba seidauk ezekuta hotu.
Reitor ICS Leao Borges dehan, ezekusaun ba subvensaun nee agora lao hela.
“Foin daudaun nee ami hetan ona uluk 50%, nee ami ezekuta besik atu remata ona. Bainhira ezekuta hotu ami sei halo fali relatóriu, paara bele submete fali ba iha MESSK, tanba agora sei halo hela peskiza,depois atividades seluk mos sei lao hela,” tenik nia ba jornalista STL, Sesta (19/09/2025).
Nia hatete, ezekusaun agora daudaun nee ba 50% nian, no bainhira remata mak halo fali relatoriu ba MESSK hodi fo fali 50%, tanba ICS uza suvbensaun publika nee ba programa tolu.
Jornalista: Jacinta Sequeira
Editora: Domingas Gomes
