DILI, STLTIMORLESTE.com – Instituto Ciência Saude (ICS) simu ona subensaun publika 50% husi Ministériu Ensinu Superior Siensia no Kultura (MESSK).
Reitor ICS, Leao Borges dehan, subensaun nee sai tiha ona no sei tau prioridade ba area tolu mak apoiu dosentes, estudantes no atividades transversal.
“Asuntu tolu nee mak sai prioridade ba ami. Ami simu ona subensaun 50% husi MESSK,osan nee foin sai,” esplika ba jornalista STL iha nia knaar fatin, Tersa (26/08/2025).
Nia dehan, total dosentes iha ICS hamutuk 50 resin nee permanente no balun bolu parte tempu. Parte tempu nee doutoramentu nain rua, maestradu mos iha, maibe parte tempu hotu, no lisensiatura nee hanorin deit diploma 3.
“Ami nian fakuldade ida deit nee mak saude nee, ninia departamentu mak hanesan departamentu infarmajen, parteira, farmacia, nutrisaun ho laboratoriu. Total estudantes ativu 4000 resin,”.tenik nia.
Nia hatutan, dosentes ho grau lisensiatura ka S1, sira nee hanorin diploma 3 ka D3. Agora daudaun iha ona aprovasaun husi MESSK, departamentu tolu neebe mak bacharelatu sae ba lisensiatura, nee mak hanesan departamentu parteira, farmacia no nutrisaun. Nee liu husi esforsu boot ida neebe mak Instituisaun halo, no hetan aprovasaun iha fulan Julhu liu ba.
Iha fatin seluk, Ministru Ensinu Superior Siensia no Kultura (MESSK), Jose Honorio Jeronimo hatete, subensaun publika nee ensinu superior sira simu tiha ona, tanba antes ba tuir seminariu internasional iha Malazia asina hotu ona, tanba nee subensaun nee Ensinu Superior sira simu hotu ona.
(jac)
