DILI, STLTIMORLESTE.com – Instituto Ciência Saúde (ICS) simu tan subvensaun publika faze daruak nian ho montante rihun US$ 57 husi Ministériu Ensinu Superior Siensia no Kultura (MESSK).
Tuir Reitor ICS, Leao Borges katak, relatoriu subvensaun 50% iha faze primeiru submete ona ba iha MESSK, agora faze daruak nian simu ona 50%.
“Dadaun nee ami nia ezekusaun lao hela bele dehan atinji ona 2%. Agora dadaun dosentes sira tuir hela formasaun, tanba suvbensaun nee ami haree ba iha formasaun ba dosente sira, nee duni horseik sira abertura ba iha formasaun durante semana ida nian laran,” dehan nia ba STL, Kuarta (03/12/2025).
Nia hatete, suvbensaun publika ba faze daruak nian 50% nee sira sei haree ba formasaun oin tolu nomos hola livrus balun neebe sei tau iha biblioteka, fim de dezembru nee sira bele hatama tan relatóriu ba suvbensaun faze daruak nian ba iha MESSK. Subvensaun públika neebe mak sira hetan nee iha faze primeiru US$ 50,000 no faze segundu ninia mos montante hanesan deit.
Iha parte seluk, Reitor Dili Institute Of Technology (DIT), Salustiano dos Reis Piedade antes nee hatete, husi orsamentu US$ 23,750 resin nee ba programa tolu, ida mak ba apoiu estudantes, apoiu ba dosentes no ikus liu nee ba atividades hotu.
Jornalista: Jacinta Sequeira
Editora: Domingas Gomes
