DILI, STLTIMORLESTE.com – Eskola Ensinu Baziku Sentral (EBC – ) 10 de Dezembru Comoro, hahu halo identifikasaun ba komunidade neebe hela iha areador eskola refere.
Preokupasaun nee hatoo husi Diretor EBC 10 de Dezembru Comoro, Calistro A. Guterres ba STL iha nia knaar fatin Comoro, Segunda nee (11/11//2024).
“Hau sempre iha rekomendasaun beibeik liu husi media ka instituisaun relevante sira, maibe ami simu no rona informasaun katak, 2025 mak ME prepara orsamentu atu rezolve ba komunidade sira neebe mak hela iha areador eskola. Oras nee daudaun ami prepara hela proposta, nomos halo identifikasaun ba komunidade neebe hela iha areador eskola, hein ba orsamentu tinan 2025 ninia,” nia afirma.
Nia hatutan, karik 2025 ME tau orsamentu, agora husi parte eskola nian sei halo identifikasaun ba komunidade neebe maka dadaun nee hela iha areador eskola ida nee,halo identifikasaun para bele hatene katak, ema nee hela kleur ona ou foin mak mai hela iha nee, no komunidade uma kain hira, ida nee mak sira sei halo identifikasaun.
Nia hatutan, aleinde nee ezame pasajen sei halao iha Segunda semana oin, no husu ba estudantes idak-idak atu prepara aan estuda.
“Eskola prepara pontus ezame iha semana rua liu ba, no pontus ezame profesor sira elabora ikus nee iha dia 5 de Novembru, nee duni komisaun prepara pontus ezame neebe ita nian profesor sira entrega direitamente ba komisaun, laos liu husi eletronika, maibe ho manual entaun iha sesta foin lalais nee ami enkamina ona ba kompania neebe prin pontus ezame sira nee, ho nunee bele prepara pontus ezame iha loron 18 semana oin,” dehan Calistro.
Nia dehan, total estudantes ba setimu ano no oetavu ano, maibe oitavo ano 294, setimo ano 228, entaun setimu ano ho oetavu ano nee total hamutuk 532 mak prepara aan, hodi partisipa iha ezame pasajen ninia.
(jac)
