DILI, STLTIMORLESTE.com – Iha debate proposta Orsamentu Jeral Estadu (OJE) 2025, Primeiru Ministru (PM), Kay Rala Xanana Gusmão kalma hasoru kritiku oin-oin, hodi rekorda hikas tempu luta ba manan funu.
Memoria hirak nee hatoo husi Deputadu Bankada FRETILIN, David Dias Mandati katak, Primeiru Ministru Xanana Gusmão iha atitude kalma sereno embora iha kritika barak husi Deputadu/a sira, maibe Primeiru Ministru (PM), Xanana retoma fali aktus uluk liu.
“Iha Governu anterior sira, bainhira PM, Xanana tama mai deves enkuandu ho nervozu, maibe ohin hau bele observa katak ita boot Xanana hanesan uluk liu, tanba hau agradeae no obrigadu ba PM, Xanana. Ita hatene halo jestaun ba diferensa, tanba ita hatene diferensa nee mak dinamiza moris, tanba jestaun diferensa mak ita bele manan funu, hau laos ema ida neebe ke halo iluzioso baratu, maibe tanba hau konhese ita boot, hau orgulhu ohin loron ita boot nafatin Xanana hanesan uluk”, katak Deputadu husi Bankada FRETILIN, David Dias Mandati, bainhira debate proposta OJE 2025, iha PN, Dili, Sesta (08/11/2024).
Mandati husu Xanana kontinua ba diferensa sira, tanba ho Xanana nia diferensa nee mak uluk nia mos tuir Xanana. Agora tempu atu halo fali diferensa jestaun ba oin, oinsa mak bele lao ba oin, diferensa nafatin atu bele dinamiza, maibe laos diferensa atu sai fali inimigu ba malu.
(gui)
