DILI, STLTIMORLESTE.com – Estudantes husi Ensinu Baziku Filial (EBF) nu. 5 Komoro konsumu naan karau no aifuan lokal iha programa merenda eskolar.
Afirma husi Kordenador Ensinu Baziku Filial (EBF) nu. 5 Komoro, Marcelino Moniz ba jornalista STL iha nia knar fatin Komoro, Sesta nee (27/03/2036).
“Implementasaun programa merenda eskolar lao diak hanesan baibain, menu neebe mak eskola uza nee hanesan baibain, nee mak uza produtu lokal hanesan modo tahan, aifuan lokal husi,l pateka, aidila, apel, no ayam potong, sosis, ikan nee la tama iha menu, tanba ami uza deit naan karau,” nia informa.
Tuir Marcelino, nee duni semana ida nia laran sira han deit naan karau, modo tahan no produtu seluk tan, estudantes rihun rua resin mak asesu ba iha programa merenda eskolar, tanba nee kada loron estudantes sira asesu ba iha programa nee ho diak tebes, no ema neebe tein ba estudantes sira nee hamutuk nain 10.
“Ami nian estudantes husi eskola ida nee fahe ba iha turnu haat, tanba ema neebe tein ba ita nian estudantes sira han nee nain sanolu, ho nunee tein ba estudantes dader meudia no loraik, tanba ita fahe ba iha turnu haat,” nia haktuir.
(jac)
