DILI, STLTIMORLESTE.com – Inan aman neebe iha oan defisiensia presiza suporta sira ba eskola, tanba sira iha direitu asesu ba edukasaun.
Haktuir Domingas Nunes Martins da Costa hanesan defisiensia ba jornalista STL liu husi telefone, Sabadu nee (10/05/2025).
“Hau hanoin dala barak maluk defisiensia neebe iha area remotas barak seidauk asesu ba edukasaun, tanba inan aman husik deit iha uma, maibe familia sira tenke fo apoiu mak diak, atu nunee sira nia oan bele asesu ba edukasaun hanesan ho sira nian maluk sira seluk, se ita husik deit iha uma nee viola ona oan nian direitu,” katak nia
Nia dehan, nuudar defisiensia husu maluk defisiensia sira tantu iha nasional no munisipiu, oinsa mak partisipa iha atividades saida deit, liu-liu mak asesu edukasaun formal, karik diak liu tan asesu iha edukasaun non formal hodi bele aumenta konhesimentu neebe diak.
“Ita iha direitu asesu ba edukasaun hanesan ho ita nian maluk sira seluk, inan aman sira motiva nafatin oan sira hodi bele asesu ba iha edukasaun,” dehan nia.
(jac)
