DILI, STLTIMORLESTE.com – Inan Feto Moras Mental ida husi Neten Noke, Aldeia Fatubijae, suku Bobocase, hakotu ninia peregrinasaun iha kuak Airin Ponte Kinloke, obra husi Kompanhia Internasional Waskita Karya neebe manan Projeitu Alargamentu Estrada Pakote II, estrada husi Tono ba Oesilo.
Informasaun nee hatoo husi Asesor Politika Asuntu Soludariedade Sosial Prezidente Autoridade Rejiaun Administrativa Espesial Oecusse-Ambeno (RAEOA),A Caet ba STL Via Telefone, Tersa (30/09/2025) katak, ohin dader San iha dalan ba serbisu fatin, too dalan klaran simu informasaun katak, inan feto ida ho kondisaun moras mental, naran kompletu, Lucia Mendes, bai-bain bolu En Ele, monu tama ba rai kuak laran, iha area ponte Kinloki, Suku Naimeco, Postu Administrativu Pantemamasaar Rejiaun Administrativa Espesial Oecusse-Ambeno (RAEOA).
“Wainhira Hau rona informasaun nee, ami halo koordenasaun ho parte relevante hanesan Komandante Eskuadra Polisia Nasional Timor Leste (PNTL), Saude Rejional liu husi Klinika Baki, Autoridade Protesaun Civil (APC) Oecusse no Bombeiros rejional Oecusse-Ambeno, halo esforsu atu hasai Inan Feto nee husi Kuak nee ho naruk 8 metrus no Luan kuak atu harii Airin ba Ponte nee 0.80 Centimetru deit, nunee esforsu dahuluk kesi Inan Feto nee iha nia Liman, dada sae ba Rai leten Ponte Kinloke, derpenti Liman kotu tanba Rai kuak Kloot. Maske nunee, lasatan esforsu husi Bombeirus no APC ho Autoridade Seguransa PNTL, elementus ida kontinua tuun fali ba rai kual nee, kesi fali iha ninia ain no konsege dada sai Vitima nee husi Rai Kuak nee ho kondisaun sei dada Iis Hela no evakua kedan ba Ospital Referal Oecusse maibe too dalan klaran pesoal saude Sira infoma katak Nia Iis kotu ona antes too Ospital,” dehan Asesor Politika Asuntu Sosial Prezidente Autoridade Rejiaun Administrativa Espesial Oecusse-Ambeno (PA-RAEOA), Agustinho Caet.
Nia dehan, rai kuak nebe klot tebes difikulta prosesu evakuasaun, maibe depois Kuaze iha oras tolu nia laran konsege hasai Inan Feto nee husi rai kuak ho nia naruk kuaze metro 8.
“Ami lori lalais ba hospital Rejional Oe cusse hodi salva nia vida, maibe la konsege salva Inan feto nee. Ami lubuk ida halo esforsu maximu hodi salva ama, maibe Maromak hadomi liu Inan Feto Ele,” dehan Caet.
Xefe Suku Naimeco, Marcos Liu dehan, Inan Feto nee Moris iha Noke iha tinan 1960, nia Inan aman mate husik Hela Nia ho kondisaun moras Mental, tanba nee loron kalan sempre Lao Hela deit.
“Ohin dadersan Hau mos la aree ho matan, Ema maka konta katak, dadersan Nia Lao ba Ponte Kinloke baliza ho Aldeia Oebaha Suku Bobometo Oesilo, hetan dezastre monu Tama ba Rai Kuak neebe Kompanhia Waskita Karia Fura Rai nee iha Ponte Kinloke atu harii Airin ba Ponte nee,” dehan Marcos Liu.
Nia haktuir tan katak, hafoin iis kotu, parte familia lakohi atu halo autopsia nunee, lori ona Mai iha familia Nia Uma, hodi haloot tuir kustume Atone Oecusse nian no Informa ba parte Kompanhia Waskita Karya, Sira Mak prepara Kaisaun, Sumente no Besi beton, triplek ho nesesidade seluk Tan atu haloot, maske nunee parte Polisia kontinua halo Investigasaun ba Kazu nee.
Liha sikun Seluk, engineering husi Kompanhia Waskita Karya, Iwan konfesa katak, loos duni Inan Feto ho idade avansadu ona ohin monu iha Kuak neebe Sira Fira iha Ponte Kinloke hodi harii Ponte.
“Kuak neebe Ami Fira nee, taka ho triplex maibe Inan Feto nee Mak loke Mak monu, Ema dehan Nia moras Mental.
Jornalista: Joseph Koa
Editor: Joseph Koa
