DILI, STLTIMORLESTE.com – Grupu Incanto Internasional Institute daudaun nee kolabora ho Kompanhia Kannet and Co Group husi Singapura, oinsa kapasita joven sira atu servisu iha rai liur.
Tuir Fundador Grupu Incanto Internasional Institute Manuel Vong ba jornalista iha palasiu Prezidensial Nicolau Lobato Bairo Pite, Segunda (02/02/2026) hatete, daudaun nee numeru Timoroan neebe halao servisu sei kiik los, hein katak ho vizita husi ekipa Kompanhia Kannet and Co Group husi Singapura ho Prezidente Republika no Governu Timor liu husi SEFOPE bele loke dalan ba Timoroan sira atu ba servisu iha nivel profisionál nia.
“Neste momentu presiza purvolta 300 pesoas por ano, maibe se liu ida nee mos diak hela, tanba industria turizmu no hospitalidade iha Singapura boot duke ita iha laran limitadu tebes ba Hotel sira neebe mak 5 estrela ba servisu sira neebe profisionais nia,” dehan Fundador.
Fundador Incanto dehan, Kriteria neebe atu halao servisu premeiru tenke lisensiatura iha area turismo no hospitalidade, segundu tenke hatene lian ingles, bele ba halo aplikasaun online iha link neebe Incanto prepara no aplikasaun sira nee sei haruka liu husi email nia CV nomos video, terseiru tuir teste kuandu CV liu ona halo selesaun ou intervista.
Maibe laos lori dokumentus direitamente lae sei liu husi prosesu dizitalizasaun hodi nunee garante duni prosesu ida ke transparansia I akontavel ba kada pesoa neebe mak aplika ba serbisu.
Programa nee hahu dadauk ona husi programa nee nain rua ba ona servisu no nain rua serbisu nee mesak graduadu ida husi DIT, no ida husi Portugal, no sira nia selesaun ingles sai hanesan kriteriu fundamental.
“Ba iha neeba mak aprende tanba ita hasai kustu atu halo formasaun ba ema ida kustu boot lahalimar entau ho serbisu entre parte rua, bele hamenus kustu I servisu aprende no manan osan loron ida bele mai halo fali bisnis iha Timor Leste,” katak nia.
Publiku mos dala barak kestiona katak Incanto haruka trabalhador la tuir Sistema oinsa haree ba ida nee hatan ba kestaun nee Fundador Incanto Manuel Vong dehan buat hotu lao tuir lei no Incanto iha nia legalidade ho dokumentus neebe iha nomos hetan apresiasaun no autorizasaun husi estadu tuir lei neebe oferese.
Labele konfundi entre Incanto ho ajensia seluk neebe mak asosia ho Incanto antes maibe Incanto hamriik hanesan setor privado ho nia bisnis neebe diversifikada hodi forma ema, no segundu Incanto Job center kanaliza ema atu bele serbisu iha rai laran nomos iha rai liur.
Incanto halao ona nia serbisu desde konstrusaun Timor Port iha Incant onia serbisu, ida seluk maki ha mos Incanto Bisnis center neebe mak Incanto iha hodi bele tulun kedas ema ema neebe remata tuir formasaun tenke halo nia negosiu, no ida ikus liu mak Incanto investement.
“Incanto ninia Investimentu privado atu bele tulun dezenvolvimentu dezenvolve ekonomia rai laran nia.
Nia hatete uluk Incanto haruka trabalhador porvolta dozentos 200 pesoas neebe mak iha Kuwait no sira nee susesu.
(eme)
