DILI, STLTIMORLESTE.com – Instituto Nacional de Formação de Docente e Professionais da Educação (INFORDEPE) iha tinan kotuk fo ona formasaun area produtivu ba profesores neebe hanorin iha ensinu tekvo ninia.
Lia hirak nee hatoo husi Prezidente INFORDEPE, Domingos Martins ba jornalista STL, Kuarta (29/10/2025).
Nia katak, ligadu ho formasaun area produtivu ninia, Infordepe servisu hamutuk hela ho governu ajensia Brazil de koperasaun, liu husi ME halo koperasaun ho Brazil konsege fo kapasitasaun ba professores sira neebe mak hanorin iha area produtivu.
“Tinan kotuk ita konsege fo kapasitasaun ba professores sira neebe mak hanorin iha area produtivu, ba tinan nee ita halo hela teste diagnostik ba atividade rua importante mak kafe e kultura neebe ita prepara hela katak, eskola tekniku sira oinsa integra ba modelu,” nia esplika.
Domingos dehan, halo modalidade formasaun, kurrikulu ho buat sira nee hotu servisu hamutuk ho kurrikulu ba parte ME nian. Nee duni ba area produtivu tinan kotuk realiza ona, no dadaun nee etapa de preparasaun ida. Dadaun ME servisu parseria barak, tantu husi rai liur no rai laran, uniku ida mak ida ohin mensiona nee.
Jornalista: Jacinta Sequeira
Editora: Domingas Gomes
