DILI, STLTIMORLESTE.com – Instituto Nacional de Formação de Docentes e Profissionais da Educação (INFORDEPE) sei fo formasaun ba bolsa kandidatu profesores nível ensinu baziku 600. Husi numeru nee inklui ona ho profesores 187, neebe foin daudaun prienxe ona termu aseitasaun husi Ministeriu Edukasaun (ME).
Kestaun nee hatoo husi Prezidente INFORDEPE, Domingos Martins ba jornalista iha edifisiu ME, Vila Verde, Kuarta (10/09/2025).
Nia degan, total professores ensinu baziku neebe mak liu ona teste atu tuir formasaun ema 600 iha tempu besik. Tuir lolos formasaun nee realiza iha semana ida ikus liu ba, maibe la konsege realiza,entaun tenta hela dia 22 agora. Dadaun nee halo hela negosiasaun ba fatin iha sentru formasaun.
“Ita tenta hela sentru formasaun Rairobo, maibe tanba sentru formasaun Rairobo dadaun nee halo hela manutensaun, entaun seidauk posivel atu realiza formasaun iha nee ba,”nia esplika.
Nia afirma, sira tenta halo negosiasaun ho parte Ministériu Interior ho Komando Jeral PNTL nibel nasional, atu nunee oferese fatin formasaun no halo negosiasaun ho sentru formasaun polisia Komoro. Fatin ida nee mak unika ba sira, dadaun nee iha negosiasaun hela, iha tempu besik sira nee hetan formasaun.
Nia katak, agora formasaun ida hanesan 187 nee tama hela lista no sira nee mak tama iha primeiru grupu ou oinsa mak haree tok,maibe iha loron 22 fulan nee sei kapasita profesores balun iha 187 ou 183,tanba sei fahe ba grupu-grupu tolu ou grupu hat nunee.
Jornalista: Jacinta Sequeira
Editora: Domingas Gomes
