DILI, STLTIMORLESTE.com – Institutu Nasional Farmasia no Produtu Médiku (INFPM) distribui ona aimoruk item 1.229 ba fasilidade saude sira iha Timor laran tomak.
Diretor Ezekutivu INFPM, Brigidio de Deus dehan, hahu husi Janeiru too Setembru 2024, iha produtu 1.250 neebe mai iha armazen INFPM.
“Ita distribui ona item 1.229 ba fasilidade saude, kuaze 43 fasilidade saude iha territoriu tomak,” hatete Diretor Ezekutivu INFPM, Brigidio de Deus ba jornalista sira iha salaun INFPM Kampung Alor, Dili, Kinta (24/10/2024).
Nia dehan, situasaun ba klínikal ida ba klínikal ida la hanesan, iha hospitál ba hospitál ida la hanesan. Porezemplu iha hospital ida nee Amoxilin barak hela, iha fali Maliana Amoxilin laiha, entaun sira hatete aimoruk stok hotu, nee lalos.
Tanba INFPM distribui hela aimoruk ba kada hospital referal sira, maibe nia fo porezemplu aimoruk Amoxilin fahe dala ida ba hospital territoriu tomak hotu, depois hotu dala ida, nee laiha, ida nee depende ba sira uza.
(jen)
