DILI, STLTIMORLESTE.com – Relasiona ho orsamentu neebe aloka ba iha Institutu Nasional Farmasia no Produtu Mediku (INFPM) US$ 3 milhaun, oras nee daudaun ezekuta ona 98%.
Tuir Diretor Ezekutivu INFPM, Virgido Simiao De Deus deklara, husi orsamentu US$ 3 milhoes utiliza ona 98%.
“Depois ita hetan fundu kontizensia, ita ezekuta ona kuaze 98%,” dehan Simião ba jornalista sira iha Kampu Alor, Tersa (26/11/2024).
Nia hatutan, osan atu hotu ona, maibe sira preparadu ona sasan balu iha dalan mai, tanba nee mak konfiansa katak, aimoruk sei stok too Fevereru ka Marsu.
Iha fatin hanesan, Komisariu KAK, Rui Pereira dehan, kompras aimoruk atrazu, tanba haree mos ba iha lei aprovizionamentu nian.
“Atrazu iha kompras medikamentus, hotu-hotu utiliza hotu rejime jeral aprovizionamentu konserteza nia impkatu iha, liga ho prazu aimoruk sira nian liu prazu,” dehan nia.
Nia hatutan, Diretor husi INFPM mos dehan aimoruk sira neebe sosa rekomenda, minimu 18 mezes tenke kumpri, se lae nia bele liu prazu iha dalan deit.
(ter)
