DILI, STLTIMORLESTE.com – Diretor Edukasaun Munisipal la halo kontrolu, maibe husi parte inspesaun mak halo kontrolu ensinu aprendizajen ba eskola sira.
Lia hirak nee hatoo husi Diretor Edukasaun Munisipiu Likisa, Julio da Silva ba STL liu husi telefone, Segunda nee (30/12/2024).
“Hau nuudar Diretor Edukasaun Munisipal la halo kontrolu ba ita nian eskola sira, maibe parte husi ita nian inspesaun mak halo kontrolu ba ita nian eskola, no sira halo servisu tinan ida labele milagre atu halo hotu planu sira nee,” dehan nia.
Julio hatete, planu no programa sira no ezekuta ba planu sira, tanba sira halo vizita diariamente, oinsa inspesaun sira halo kontrolu ba.
Iha fatin seluk, Koordenador Pre Eskolar Sagrada Familia, Cornelio A. Soares hatete, husi parte inspesaun ninia sempre halo kontrolu ba ensinu aprendizajen iha eskola, halo kontrolu iha sala hodi haree atividades ensinu no aprendizajen.
Tanba tuir nia, halo kontrolu ba aprendizajen nee kompetensia husi Ministeriu nian, husi eskola oinsa mak profesor sira bele halao sira nian knaar loron-loron nee ho diak, dader tama no sai tuir oras.
(jac)
