DILI, STLTIMORLESTE.com – Too agora parte inspesaun seidauk simu informasaun kona-ba estudantes transferensia husi munisipiu mai Kapital Dili.
Liafuan nee haktuir husi Superintendente Edukasaun Munisipiu Dili, Cesarina Correia Guterres ba STL, Tersa (09/12/2025).
Nia dehan, asuntu ida nee bele konfirma ba Servisu Edukasaun Munisipiu Dili, tanba inspesaun rasik seidauk simu assuntu transferensia nèe husi nivel leten.
“Ami seidauk hetan informasaun konaba transferensia, tanba seidauk halo inskrisaun ba alunus foun sira no agora eskola sei prepara valor estudantes sira nian,” nia tenik.
Nunee mos Direitur Eskola Sekundariu Jeral 10 de Dezembru Comoro, Manuel Verdial hatete, estudantes neebe mak husi Munisípiu atu mai kontinua estudu iha Dili, tenke fo deklarasaun neebe lolos ba eskola. Tanba eskola sira iha Dili estudante sira barak.
Diretur EBC Manleuana, Carlos Correia dehan, bainhira estudantes neebe husi Munisípiu mai nee, presiza iha deklarasaun neebe klaru, tanba estudantes iha Dili nee mos barak, no simu estudantes tuir fasilidade no kondisaun eskola neebe mak iha.
Jornalista: Jacinta Sequeira
Editora: Domingas Gomes
