DILI, STLTIMORLESTE.com – Inspetores halo monitorizasaun rutina ba prosesu ensinu aprendizajen iha eskola sira neebe lokaliza iha Munisipiu Dili.
“Prosesu aprendizajen lao tuir bazeia ba kurrikulu neebe iha, monitorizasaun nee rutina, rutina nee signifika katak, loron-loron, maibe laos loron ida inspetor nee fila ba fila mai iha eskola ida deit lae, inspetor ida sira sei hetan eskola barak, entaun sira lao tuir sira nian area kontrolu neebe mak iha, sira sempre halo monitorizasaun ba iha ita nian eskola sira neebe mak lokaliza iha Munisipiu Dili,” dehan Cesarina Correia Guterres nuudar Superintendente Edukasaun Munisipiu Dili ba jornalista STL iha nia knaar fatin Vila Verde, Kinta nee (17/07/2025).
Nia akresenta, parte inspekmsaun nian tipu de servisu nee mak tolu, inspesaun rutina, preventiva nomos investigativa, entaun rutina nee mak loron-loron inspetor sira halo monitorizasaun loron-loron lao hela deit.
“Monitoring ba ensinu aprendizajen lao loron-loron iha ita nian eskola sira, maibe hau fo ezemplu karik eskola ida ohin halo vizita ona, maibe ohin ba tan nee labele, maibe ohin nee sira ba fali ona eskola seluk, karik iha problema ruma neebe akontese iha eskola nee, entaun hakarak ka lakohi sira tenke tama nafatin deit iha eskola nee,” teknika nia.
Iha parte seluk, Diretor Servisu Edukasaun Munisipiu Manatuto, Patricio da Cruz Quintao dehan, inspetores sira mak halo monitorizasaun ba atividades hirak neebe mak lao iha eskola sira, monitorizasaun nee bele dehan rutina.
(jac)
