DILI, STLTIMORLESTE.com – Inspetor eskolar sira iha Edukasaun Munisípiu Dili seidauk halo monitorizasaun ba programa merenda eskolar iha eskola, tanba programa refere seidauk lao.
Kestaun nee hatoo husi Superintendente Edukasaun Munisípiu Dili, Cesarina C. Guterres ba STL, Sesta nee (30/01/2026).
“Relasiona programa merenda eskolar ba iha ita nian eskola sira seidauk realiza, tanba nee ita nia inspetor no inspetora sira seidauk bele halo monitorizasaun. Relasiona ho estudantes sira seidauk asesu merenda eskolar, tanba saida mak seidauk lao, nee husu media bele direita husu ba xefi departamentu ensinu, tanba agora merenda eskolar tutela iha nia okos, tanba nee ita nian estudantes sira seidauk asesu ba programa merenda eskolar,” nia informa.
Nia dehan, bainhira programa nee lao iha eskola, nee inspetor no inspetora sira bele monitorin programa ida nee iha eskola idak-idak, tanba fulan ida nee merenda eskolar too agora seidauk lao iha eskola sira.
(jac)
